Soʻnggi vaqtlarda “bank omonatingizdan mablagʻ yechildi” degan mazmundagi yolgʻon xabarlar orqali fuqarolarni chalgʻitish va ularning bank kartalari hamda hisob raqamlaridan noqonuniy ravishda pul yechib olish holatlari kuzatilmoqda.

Firibgarlar odatda oʻzlarini bank xodimi sifatida tanishtirib, mijozlarga shoshilinch ravishda “xavfsizlik chorasi” sifatida karta maʼlumotlari, SMS-kodlar yoki parollarni taqdim etishni soʻraydilar. Baʼzi hollarda esa feyk havolalar orqali shaxsiy maʼlumotlarni qoʻlga kiritishga urinishmoqda.

Shu munosabat bilan barcha mijozlardan quyidagilarga qatʼiy amal qilish soʻraladi:

·Bank kartangiz maʼlumotlari (raqam, amal qilish muddati, CVV-kod)ni hech kimga bermang;

·SMS orqali kelgan bir martalik kodlarni boshqalarga aytmang;

·Nomaʼlum raqamlardan kelgan qoʻngʻiroq va xabarlarga ishonmang;

·Shubhali havolalarga kirmang;

·Faqat rasmiy bank ilovalari va saytlaridan foydalaning.

Eslatib oʻtamiz: bank xodimlari hech qachon mijozlardan maxfiy maʼlumotlarni soʻramaydi.

Agar siz shubhali holatga duch kelsangiz, darhol bankning rasmiy aloqa markaziga murojaat qiling yoki kartangizni vaqtincha bloklang.

Hushyorlik — mablagʻlaringizning eng ishonchli himoyasidir!